Kohsar Ke Daman Mein Hawa Tez Bahut Hai
kohsar ke daman mein hawa tez bahut hai
par ye ki mera dost kam-amez bahut hai
itna na hue hote hum afsurda watan mein
hijrat mein teri yaad gham-angez bahut hai
husn aata hai ashya mein mauqa se mahal se
har mar-e-siyah-zulf dil-awez bahut hai
barsat ke mausam mein kare nala na koi
barish se yahan sail-e-rawan tez bahut hai
jo nur hai chehre pe ibaadat ke ewaz hai
'abid' ka to in ashya se parhez bahut hai
Mohammad Abid Ali Abid 
(621) Peoples Rate This