Ghamon Ki Duniya Ko Raund Dalen Nashat-e-dil Paemal Kar Len

ghamon ki duniya ko raund Dalen nashat-e-dil paemal kar len

nai mohabbat naya junun hai KHudaya kya apna haal kar len

jo chaar aanhken karo to jaanen nazar mila kar hanso to jaanen

qasam tumhaari agar na tum ko sharik-e-ranj-o-malal kar len

ajib arman ajib hasrat ajib KHwahish ajib wahshat

ki ban paDe to unhen bhi apni tarah sarapa malal kar len

wo ek lamha wo ek saat hua tha jab un se ahd-e-ulfat

use bhi kya ai KHuda-e-rahmat sharik-e-KHwab-o-KHayal kar len