چشم سوال!
ہاں اے غریب لڑکی تو بھیک مانگتی ہے
چشم سوال تیری کچھ کہہ کے جھک گئی ہے
تو بھیک مانگتی ہے شرم و حیا کی ماری
اور سر سے لے کے پا تک ہے کپکپی سی طاری
آنکھوں میں ہے نمی سی آئینہ سی جبیں ہے
تجھ کو گداگری کی عادت ابھی نہیں ہے
قسمت میں گیسوؤں کی آئینہ ہے نہ شانہ
شاید تری نظر میں تاریک ہے زمانہ
یہ تیرا جسم نازک بوسیدہ پیرہن میں
جیسے گل فسردہ اجڑے ہوئے چمن میں
جھک جائیں تیرے آگے شیطان کی نگاہیں
پر کھا رہی ہیں تجھ کو انسان کی نگاہیں
پاکیزگی پہ تیری سیتا کو پیار آئے
معصومیت پہ تجھ کو مریم گلے لگائے
حوریں لپک کے چومیں، پائیں قدم جو تیرے
ہر نقش پا پہ تیرے سجدے کریں فرشتے
اے کاش وہ بتائے ہے جس کی یہ خدائی
یہ چشم نرگسی ہے یا کاسۂ گدائی!
لب ہیں کہ پتھروں کے ٹکڑے جمے ہوئے ہیں!
رخ ہیں کہ رہ گزر کے بجھتے ہوئے دئیے ہیں!
(772) ووٹ وصول ہوئے
Chashm-e-sawal! In Urdu By Famous Poet Moin Ahsan Jazbi. Chashm-e-sawal! is written by Moin Ahsan Jazbi. Enjoy reading Chashm-e-sawal! Poem on Inspiration for Students, Youth, Girls and Boys by Moin Ahsan Jazbi. Free Dowlonad Chashm-e-sawal! by Moin Ahsan Jazbi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends