جھک سکے آپ کا یہ سر تو جھکا کر دیکھیں
جھک سکے آپ کا یہ سر تو جھکا کر دیکھیں
راہ میں دل ہے کہ پتھر ہے اٹھا کر دیکھیں
یہ بھی اک شرط ہے تکمیل حکایت کے لیے
حال و مستقبل و ماضی کو ملا کر دیکھیں
آبرو حسن کی ہو جائے نہ پامال نظر
دیکھنا ہو تو اٹھیں خود سے چھپا کر دیکھیں
غیرت زہرہ وشاں رشک قمر ہیں کہ نہیں
آؤ ان خاک کے ذروں کو اٹھا کر دیکھیں
اب نہیں ملنے کے دنیا میں وہ خاصان جنوں
لاکھ ہم اہل خرد شمع جلا کر دیکھیں
ان حجابوں کو جو مانوس ازل ہیں اب تک
آؤ فطرت کی نگاہوں میں سما کر دیکھیں
خود ہی کھل جائے گا ارباب گلستاں کا بھرم
چھیڑ کر گل کو تو غنچوں کو ہنسا کر دیکھیں
زندگی درد سراپا ہی نہیں پیار بھی ہے
آؤ اس پیار کو نغموں میں سجا کر دیکھیں
کیا عطا ہوتی ہے کیا اجر و صلہ ملتا ہے
اے رضاؔ دست طلب ہم بھی بڑھا کر دیکھیں
(447) ووٹ وصول ہوئے
In Urdu By Famous Poet Raza Jaunpuri. is written by Raza Jaunpuri. Enjoy reading Poem on Inspiration for Students, Youth, Girls and Boys by Raza Jaunpuri. Free Dowlonad by Raza Jaunpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends