اک سوال خدائے برتر سے
ہم اس زمین و آسماں کے درمیاں
حیران ہیں اور سر گراں
اے خدائے دو جہاں!
اے حرف کن کے راز داں!
اے منبع کون و مکاں!
اتنا تو بتلا دے
کوئی ایسی بھی دنیا ہے
جہاں انسانیت کی صاف پیشانی پہ
علم و فن کی پو پھٹتی ہو اور
فکر و نظر کے آئینوں سے
نور کی کرنیں ابلتی ہوں
دلوں میں خیر و برکت کی دعائیں گونجتی ہوں
صبح دم آکاش کے نیلم تلے
جام حقیقت پی کے جینے کی تمنا رقص کرتی ہو
جہاں احساس کے کہرے سے
فکر نو کے تارے جھلملاتے ہوں
جہاں ہونٹوں پہ حرف آگہی کی جوت ہو
آنکھوں سے حیرت
ذہن سے وجدان کے چشمے ابلتے ہوں،
جہاں راتوں کے سناٹے میں
دل محو نیاز و نار رہتا ہو
فضائے بیکراں کے سحر کا ہم راز رہتا ہو
محبت، عشق، دل داری، وفا عنوان ہستی ہوں
اخوت، نرم گفتاری عطاء پیمانۂ دل ہوں
خدائے لم یزل بتلا
کوئی ایسی بھی دنیا ہے
کہیں ایسا بھی ہوتا ہے
سیاست کی فسوں سازی
تجارت کی زیاں کاری
ہوس کی گرم بازاری
کسی عیار قوت کی جہاں داری
میں دم گھٹتا ہے
ہر لمحہ عذاب جاوداں معلوم ہوتا ہے
''خداوند! یہ تیرے سادہ دل بندے کہاں جائیں؟''
(861) ووٹ وصول ہوئے
In Urdu By Famous Poet Sajida Zaidi. is written by Sajida Zaidi. Enjoy reading Poem on Inspiration for Students, Youth, Girls and Boys by Sajida Zaidi. Free Dowlonad by Sajida Zaidi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends