ظاہراً یہ بت تو ہیں نازک گل تر کی طرح
ظاہراً یہ بت تو ہیں نازک گل تر کی طرح
دل مگر ہوتا ہے کم بختوں کا پتھر کی طرح
جلوہ گاہ ناز میں دیکھ آئے ہیں سو بار ہم
رنگ روئے یار ہے بالکل چقندر کی طرح
مونس تنہائی جب ہوتا نہیں ہے ہم خیال
گھر میں بھی جھنجھٹ ہوا کرتا ہے باہر کی طرح
آپ بے حد نیک طینت نیک سیرت نیک خو
حرکتیں کرتے ہیں لیکن آپ بندر کی طرح
جس کے حامی ہو گئے واعظ وہ بازی لے گیا
اہمیت ہے آپ کی دنیا میں جوکر کی طرح
اللہ اللہ یہ ستم گر کی قیامت خیز چال
روز ہنگامہ ہوا کرتا ہے محشر کی طرح
پوچھنے والے غم جاناں کی شیرینی نہ پوچھ
غم کے مارے روز اڑاتے ہیں مزعفر کی طرح
زیب تن واعظ کے دیکھی ہے قبائے زرنگار
سر پہ عمامہ ہے اک دھوبی کے گٹھر کی طرح
دوست کے ایفائے وعدہ کا ہے اب تک انتظار
گزرا اکتوبر نومبر بھی ستمبر کی طرح
ناز میں انداز میں رفتار میں گفتار میں
اردلی بھی ہیں کلکٹر کے کلکٹر کی طرح
نشہ بندی چاہتے تو ہیں یہ حامی دین کے
پھر بھی مل جائے تو پی لیں شیر مادر کی طرح
ہو رہا ہے جس قدر بھی شوقؔ صاحب انسداد
اتنی ہی کٹتی ہے رشوت مولی گاجر کی طرح
(600) ووٹ وصول ہوئے
In Urdu By Famous Poet Shauq Bahraichi. is written by Shauq Bahraichi. Enjoy reading Poem on Inspiration for Students, Youth, Girls and Boys by Shauq Bahraichi. Free Dowlonad by Shauq Bahraichi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends