جس کو جانا تھا کل تک خدا کی طرح

جس کو جانا تھا کل تک خدا کی طرح

آج ملتا ہے وہ آشنا کی طرح

میری ہستی بھی ہو جائے گی جاوداں

دست قاتل اٹھا ہے دعا کی طرح

اس کے ہاتھوں پہ ہیں میرے خوں کے نشاں

جو مہکتے ہیں رنگ حنا کی طرح

جستجو ہے مجھے آج اس شخص کی

جو وفا بھی کرے بے وفا کی طرح

راہ منزل میں بیٹھو نہ یوں ہار کر

روندے جاؤ گے تم نقش پا کی طرح

کارواں کارواں پہنچے منزل پہ ہم

رہ بدلتی رہی رہ نما کی طرح

(514) ووٹ وصول ہوئے

Your Thoughts and Comments

In Urdu By Famous Poet Shola Haspanvi. is written by Shola Haspanvi. Enjoy reading  Poem on Inspiration for Students, Youth, Girls and Boys by Shola Haspanvi. Free Dowlonad  by Shola Haspanvi in PDF.