کب کرو گے ہمارا استقبال
وقت کا ایسا یہ جزیرہ ہے
جہاں دن اور رات کچھ بھی نہیں
ذہن و دل اب ہیں ایسے عالم میں
ہوش و بے ہوشی میں نہیں کچھ فرق
اجنبیت ہے ایک خلا ہے یہ
یہاں خود کا پتا نہیں ملتا
پھر بھی کچھ تو سنائی دیتا ہے
چند آوازیں اور ایک دستک
ہر صدا کا کچھ ایسا لہجہ ہے
جیسے دہشت ہو درد ہو موجود
جیسے عصمت کو کوئی خطرہ ہو
ہر صدا کر رہی ہے یہ منت
کھول دو کھول دو کواڑ اپنے
وقت گزرا دماغ جاگ گیا
دل نے بھی یہ صدائیں سن ہی لیں
ہم سمجھتے تھے تم تو شاعر ہو
نرم دل ہو گے مہرباں ہو گے
ہم کو اپنے یہاں شرن دوگے
میں نے جانا کہ میری ڈیوڑھی پر
زخمی حالت میں کچھ پڑے تھے خیال
کچھ ہرے زخم چند تازہ ملال
ان سنے جملے ان کہے الفاظ
استعارات زاویے جذبات
ان چھوئے کچھ محاورے الہام
سب کی آنکھوں میں تھا بس ایک سوال
کب کرو گے ہمارا استقبال
(635) ووٹ وصول ہوئے
In Urdu By Famous Poet Subodh Lal Saqi. is written by Subodh Lal Saqi. Enjoy reading Poem on Inspiration for Students, Youth, Girls and Boys by Subodh Lal Saqi. Free Dowlonad by Subodh Lal Saqi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends