آزادی سے نیندوں تک
زندگی کی چٹانوں سے
سزاؤں کا سمندر ٹکراتا ہے
اور سفید چٹانیں سمندر کی کالی کر دینے والی طاقت سے بے خبر
خوابوں کے غرور سے لبریز ہیں
پانی چٹانوں میں راستے بناتا رہتا ہے
اور ایسے میں کوئی نہیں جانتا
ہم آزادی کے جوگ میں
تنہائی کے کس کس جنگل میں بھٹکے ہیں
آزادی کے لباس کو اپنا بدن سمجھ کر
وحشی سناٹوں کی آمد سے بے خبر
ہم کہاں کہاں بھٹکے ہیں
اور جب لباس پھٹ جاتے ہیں
ہم ان چھتڑوں کو اپنے بے لباس تنہائیوں میں
یوں چھپا لیتے ہیں
جیسے زندہ ماں کی آنکھیں مردہ بچے کی آخری دیدار کو چھپا لیتی ہیں
تو ایسے میں سمندر سیلاب ہو جاتا ہے
اور سفید چٹانیں
سزاؤں میں دفن
اپنے علاوہ سب کچھ بھول جانے پر مجبور ہو جاتی ہیں
ہم سیلاب میں نہ بہے جانے کا دکھ لیے
نیندوں تک آ جاتے ہیں
اور ہم چٹانوں سے گزرنے والے پانی کے راستے بند نہیں کر سکتے تو
ہنس دیتے ہیں
اور نیندوں کی بھیک جمع کرتے کرتے
وحشی سناٹوں کی آمد کے ہول میں
ہم سونا بھول جاتے ہیں
(673) ووٹ وصول ہوئے
In Urdu By Famous Poet Tanveer Anjum. is written by Tanveer Anjum. Enjoy reading Poem on Inspiration for Students, Youth, Girls and Boys by Tanveer Anjum. Free Dowlonad by Tanveer Anjum in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends