شام کے دن رات
شام میں غار تھا
غار میں رات تھی
رات کے نم اندھیرے میں اک اجنبیت کا احساس تھا
چلتی سانسوں کی ہلتی ہوئی سطح پر
وقت کی ناؤ ٹھہری ہوئی تھی
سنسناتے ہوئے نم اندھیرے میں پوریں دھڑکنے لگیں
غار میں محو پرواز پلکوں کے پنچھی الجھنے لگے
غار میں شام تھی
چند لمحوں میں صدیاں بسر کر کے جب
غار کے دور سے ہم زمانے میں آئے
تو ڈھلتے ہوئے دن کی گیلی چمک پتھروں پر جمی تھی
مڑ کے دیکھا تو پلکوں کو پروا لگی
اور مخمور آنکھوں کو سپنا لگا
گونجتے غار کا نم اندھیرا ہمیں اپنا اپنا لگا
غار نے کچھ تو جانے دیا کچھ ہمیں رکھ لیا تھا
نہایت سبک سار تھے
ایسے چلتے تھے جیسے زمیں کے مکیں
کرۂ ماہ پر چل رہے ہوں
شام کے پیڑ پر اک پرندہ
گجرتان بھیروں میں گانے لگا
وقت کا سانولا پیڑ ہے
پیڑ کے ملگجے پات ہیں
دل کے اپنے زمان و مکاں
شام کے اپنے دن رات ہیں
(519) ووٹ وصول ہوئے
In Urdu By Famous Poet Waheed Ahmad. is written by Waheed Ahmad. Enjoy reading Poem on Inspiration for Students, Youth, Girls and Boys by Waheed Ahmad. Free Dowlonad by Waheed Ahmad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends