Raushan Tamam Kaba O But-KHana Ho Gaya

raushan tamam kaba o but-KHana ho gaya

ghar-ghar jamal-e-yar ka afsana ho gaya

surat-parast kab hue mani se aashna

aalam fareb-e-tur ka afsana ho gaya

chashm-e-hawas hai shefta-e-husn-e-zahiri

dil aashna-e-mani-e-begana ho gaya

aasan nahin hai aag mein danista kudna

diwana shauq-e-wasl mein parwana ho gaya

kaifiyat-e-hayat thi dam bhar ki mehman

labrez pite hi mera paimana ho gaya

ashkon se jam bhar gae saqi ki yaad mein

kuchh to maal-e-majlis-e-rindana ho gaya

dair o haram bhi Dhah gae jab dil nahin raha

sab dekhte hi dekhte virana ho gaya

kal ki hai baat josh pe tha aalam-e-shabab

yaadash-ba-KHair aaj ek afsana ho gaya

aaina dekhta hai gareban ko phaD kar

wahshi ab apna aap hi diwana ho gaya

kya jaane aaj KHwab mein kya dekha 'yas' ne

kyun chaunkte hi aap se begana ho gaya

(519) Peoples Rate This

Your Thoughts and Comments

Raushan Tamam Kaba O But-KHana Ho Gaya In English By Famous Poet Yagana Changezi. Raushan Tamam Kaba O But-KHana Ho Gaya is written by Yagana Changezi. Read famous Poem Raushan Tamam Kaba O But-KHana Ho Gaya for youth and Student by Yagana Changezi. Free Download Raushan Tamam Kaba O But-KHana Ho Gaya in PDF.