KHush-fahmiyon Ko Ghaur Ka Yara Nahin Raha

KHush-fahmiyon ko ghaur ka yara nahin raha

tufan ki zad se dur kinara nahin raha

baDh baDh ke DhunDhte hain panahen nai nai

fitnon ko tirgi ka sahaara nahin raha

bita bayan baha-e-tamanna baDha gain

naqd-e-sukun ganwa ke KHasara nahin raha

baqi tha jis ke dam se bharam ehtiyaj ka

himmat ko wo karam bhi gawara nahin raha

nazan hai apni fath pe is tarah maut aaj

jaise koi hayat ka mara nahin raha

KHurshid inqalab ka aaina ho to ho

mizhgan se gir ke ashk sitara nahin raha

'yaqub' lamhe lamhe se zahir hai be-ruKHi

sahil-nawaz waqt ka dhaara nahin raha

(625) Peoples Rate This

Your Thoughts and Comments

KHush-fahmiyon Ko Ghaur Ka Yara Nahin Raha In English By Famous Poet Yaqoob Usmani. KHush-fahmiyon Ko Ghaur Ka Yara Nahin Raha is written by Yaqoob Usmani. Read famous Poem KHush-fahmiyon Ko Ghaur Ka Yara Nahin Raha for youth and Student by Yaqoob Usmani. Free Download KHush-fahmiyon Ko Ghaur Ka Yara Nahin Raha in PDF.