Kisi Nai Tarha Ki Rawani Mein Ja Raha Tha

kisi nai tarha ki rawani mein ja raha tha

charagh tha koi aur pani mein ja raha tha

ruka hua tha wo qafila to magar abhi tak

ghubar apni hi be-karani mein ja raha tha

mujhe KHabar thi wo kya karega suluk mujh se

so main ba-zahir to KHush-gumani mein ja raha tha

main tangi-e-dil se KHush nahin tha isi sabab se

makan se bahar ki la-makani mein ja raha tha

tum apni masti mein aan Takrae mujh se yak-dam

idhar se main bhi to be-dhyani mein ja raha tha

teri rukawaT se bhi mere panw kaise rukte

ki main kisi aur sar-girani mein ja raha tha

mere liye ajnabi tha sailab-e-KHwab mein wo

jo lafz chup-chap mauj-e-mani mein ja raha tha

suKHan se bimar kyun na hota main aaKHir apne

ki lutf sara to KHush-bayani mein ja raha tha

'zafar' mere KHwab waqt-e-aKHir bhi taza-dam the

ye lag raha tha ki main jawani mein ja raha tha

(568) Peoples Rate This

Your Thoughts and Comments

Kisi Nai Tarha Ki Rawani Mein Ja Raha Tha In English By Famous Poet Zafar Iqbal. Kisi Nai Tarha Ki Rawani Mein Ja Raha Tha is written by Zafar Iqbal. Read famous Poem Kisi Nai Tarha Ki Rawani Mein Ja Raha Tha for youth and Student by Zafar Iqbal. Free Download Kisi Nai Tarha Ki Rawani Mein Ja Raha Tha in PDF.