Zamin Pe EDi RagaD Ke Pani Nikalta Hun

zamin pe eDi ragaD ke pani nikalta hun

main tishnagi ke nae maani nikalta hun

wahi baramad karunga jo chiz kaam ki hai

zaban ke baatin se be-zabani nikalta hun

falak pe likhta hun KHak-e-KHwabida ke manazir

zamin se rang-e-asmani nikalta hun

kabhi kabutar ki tarah lagta hai abr mujh ko

kabhi hawa se koi kahani nikalta hun

bahut zaruri hai mera apni hadon mein rahna

so bahr se KHud hi be-karani nikalta hun

kabhi mulaqat ho mayassar to is se pahle

dimagh se sari KHush-gumani nikalta hun

jo chheDta hun naya koi naghma-e-mohabbat

to saz-e-dil se dhunen purani nikalta hun

koi Thahar kar bhi dekhna chahta hun manzar

isi liye taba se rawani nikalta hun

'zafar' mere samne Thaharta nahin hai koi

to apne paikar se apna sani nikalta hun

(570) Peoples Rate This

Your Thoughts and Comments

Zamin Pe EDi RagaD Ke Pani Nikalta Hun In English By Famous Poet Zafar Iqbal. Zamin Pe EDi RagaD Ke Pani Nikalta Hun is written by Zafar Iqbal. Read famous Poem Zamin Pe EDi RagaD Ke Pani Nikalta Hun for youth and Student by Zafar Iqbal. Free Download Zamin Pe EDi RagaD Ke Pani Nikalta Hun in PDF.