Hai Sadaf Gauhar Se Khaali Raushni Kyunkar Mile
hai sadaf gauhar se KHali raushni kyunkar mile
aaj shayad raste mein koi paighambar mile
kaisi rut aai ki sara bagh dushman ho gaya
shaKH-e-gul mein bhi hamein talwar ke jauhar mile
dur tak jin raston par muntazir baiThe the log
lauT kar baad-e-saba aai to kuchh patthar mile
raushni ki khoj mein paltin zamin ki jab tahen
kuchh lahu ke dagh kuchh TuTe hue KHanjar mile
aaKHir ab aisa bhi kya duniya se bad-dil hona 'zeb'
pahle miTTi mein to mere yar ye jauhar mile
Zeb Ghauri 
(1151) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544