Najat
nuzul-e-itab ki ghaDi
nazdik hai……
darbari kutte!
ru-posh baghiyon ki talash mein
zaminen sunghte phir rahe hain
sarbarahon ki quwwat-e-faisla jawab de chuki hai
un ke mafluj hath
darbariyon ke rachae shaDyantaron par
kyun dastaKHat karne ki mashinen hain
un ki zabanen sirf dhamkiyan bolti hain
un ke ana-parast kan
giDgiDhaTen sunne ke aadi ho chuke hain
mushiron aur salah-karon ka dawa hai
ki wo jald hi sarbarahon ko
dast-KHaton ki zahmat se bhi najat dilane ka rasta DhunD nikalenge!
Aashufta Changezi 
(1362) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544