سناٹا طوفاں سے سوا ہو یہ بھی تو ہو سکتا ہے
سناٹا طوفاں سے سوا ہو یہ بھی تو ہو سکتا ہے
یہ کچھ اور بڑا دھوکا ہو یہ بھی تو ہو سکتا ہے
ضبط جنوں سے اندازوں پر در تو بند نہیں ہوتے
تو مجھ سے بڑھ کر رسوا ہو یہ بھی تو ہو سکتا ہے
رہنے دے یہ حرف تسلی میری ہمت پست نہ کر
ناکامی ہی میں رستا ہو یہ بھی تو ہو سکتا ہے
ڈھونڈنے والا ڈھونڈ رہا ہے اور انداز جفاؤں کے
مجھ کو وفا کا زخم لگا ہو یہ بھی تو ہو سکتا ہے
لاؤ اک لمحے کو اپنے آپ میں ڈوب کے دیکھ آؤں
خود مجھ میں ہی میرا خدا ہو یہ بھی تو ہو سکتا ہے
مجھ کو تو یہ اعزاز بہت ہے لیکن تیری تمنا نے
میرے لبوں سے کام لیا ہو یہ بھی تو ہو سکتا ہے
آخر اپنے قدموں کو کیوں ہم ملزم ٹھہراتے ہیں
راہوں نے منہ موڑ لیا ہو یہ بھی تو ہو سکتا ہے
میرے تصور نے بخشی ہے تنہائی کو بھی اک محفل
تو محفل محفل تنہا ہو یہ بھی تو ہو سکتا ہے
اکبر علی خان عرشی زادہ 
(670) ووٹ وصول ہوئے
SannaTa Tufan Se Siwa Ho Ye Bhi To Ho Sakta Hai In Urdu By Famous Poet Akbar Ali Khan Arshi Zadah. SannaTa Tufan Se Siwa Ho Ye Bhi To Ho Sakta Hai is written by Akbar Ali Khan Arshi Zadah. Enjoy reading SannaTa Tufan Se Siwa Ho Ye Bhi To Ho Sakta Hai Poem on Inspiration for Students, Youth, Girls and Boys by Akbar Ali Khan Arshi Zadah. Free Dowlonad SannaTa Tufan Se Siwa Ho Ye Bhi To Ho Sakta Hai by Akbar Ali Khan Arshi Zadah in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends