محبت کا رگ و پے میں مری روح رواں ہونا
محبت کا رگ و پے میں مری روح رواں ہونا
مبارک ہر نفس کو اک حیات جاوداں ہونا
ہمارے دل کو آئے کس طرح پھر شادماں ہونا
تری نظروں نے سیکھا ہی نہیں جب مہرباں ہونا
ترے کوچہ میں ہونا اس پہ تیرا آستاں ہونا
مبارک تیرے کوچے کی زمیں کو آسماں ہونا
یہ حالت ہے کہ بیداری بھی ہے اک خواب کا عالم
معاذ اللہ اپنا خوگر خواب گراں ہونا
اسے خوش کر سکیں گی کیا بہاریں زندگانی کی
چمن میں جس نے دیکھا ہو بہاروں کا خزاں ہونا
جو بدقسمت ترے غم کی مسرت سے ہیں ناواقف
وہ کیا جانیں کسے کہتے ہیں دل کا شادماں ہونا
مجھے آنکھیں دکھائے گی بھلا کیا گردش دوراں
مری نظروں نے دیکھا ہے ترا نامہرباں ہونا
جبیں و آستاں کے درمیاں سجدے ہوں کیوں حائل
جبیں کو ہو میسر کاش جذب آستاں ہونا
ہوس کاران عشرت آہ کیا سمجھیں گے اے اخترؔ
بہت دشوار ہے ذوق الم کا رازداں ہونا
علیم اختر 
(820) ووٹ وصول ہوئے
Mohabbat Ka Rag-o-pai Mein Meri Ruh-e-rawan Hona In Urdu By Famous Poet Aleem Akhtar. Mohabbat Ka Rag-o-pai Mein Meri Ruh-e-rawan Hona is written by Aleem Akhtar. Enjoy reading Mohabbat Ka Rag-o-pai Mein Meri Ruh-e-rawan Hona Poem on Inspiration for Students, Youth, Girls and Boys by Aleem Akhtar. Free Dowlonad Mohabbat Ka Rag-o-pai Mein Meri Ruh-e-rawan Hona by Aleem Akhtar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends