کچھ خار ہی نہیں مرے دامن کے یار ہیں
کچھ خار ہی نہیں مرے دامن کے یار ہیں
گردن میں طوق بھی تو لڑکپن کے یار ہیں
سینہ ہو کشتگان محبت کا یا گلا
دونوں یہ تیرے خنجر آہن کے یار ہیں
خاطر ہماری کرتا ہے دیر و حرم میں کون
ہم تو نہ شیخ کے نہ برہمن کے یار ہیں
کیا پوچھتا ہے مجھ سے نشاں سیل و برق کا
دونوں قدیم سے مرے خرمن کے یار ہیں
کیا گرم ہیں کہ کہتے ہیں خوبان لکھنؤ
لندن کو جائیں وہ جو فرنگن کے یار ہیں
وہ دشمنی کریں تو کریں اختیار ہے
ہم تو عدو کے دوست ہیں دشمن کے یار ہیں
کچھ اس چمن میں سبزۂ بیگانہ ہم نہیں
نرگس کے دوست لالہ و سوسن کے یار ہیں
کانٹے ہیں جتنے وادئ غربت کے اے جنوں
سب آستیں کے جیب کے دامن کے یار ہیں
گم گشتگی میں راہ بتاتا ہے ہم کو کون
ہے خضر جن کا نام وہ رہزن کے یار ہیں
چلتے ہیں شوق برق تجلی میں کیا ہے خوف
چیتے تمام وادیٔ ایمن کے یار ہیں
پیری مجھے چھڑاتی ہے احباب سے امیرؔ
دنداں نہیں یہ میرے لڑکپن کے یار ہیں
(862) ووٹ وصول ہوئے
Kuchh Khaar Hi Nahin Mere Daman Ke Yar Hain In Urdu By Famous Poet Ameer Minai. Kuchh Khaar Hi Nahin Mere Daman Ke Yar Hain is written by Ameer Minai. Enjoy reading Kuchh Khaar Hi Nahin Mere Daman Ke Yar Hain Poem on Inspiration for Students, Youth, Girls and Boys by Ameer Minai. Free Dowlonad Kuchh Khaar Hi Nahin Mere Daman Ke Yar Hain by Ameer Minai in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends