ہم بے وطن خوابوں کے جولاہے ہیں
بہت سی آواز جمع کر کے
ایک چیخ بنائی جا سکتی ہے
بہت تھوڑے لفظوں سے
ایک باغی نظم بنائی جا سکتی ہے
لیکن
زندہ قبرستان میں ایک نظم کا کتبہ کافی نہیں
قبریں دم سادھے پڑی ہیں
ہماری مائیں مردہ بچوں کو جنم دے رہی ہیں
لاشیں شناخت کرتے ہوئے ہجوم اپنا چہرہ
بھول جاتا ہے!
ہم زندگی سے صحبت کرنے نکلے تھے
اور زندگی نے ہمارے خصیوں سے کینچے بنا لیے
ہمارے لہو میں چیونٹیاں رینگتی ہیں
مگر ہم اپنی مرضی سے کھجلی تک نہیں کر سکتے
قطار میں کھڑے کھڑے ہم دوسروں سے مختلف کیسے ہو گئے!!!
زندگی میزان ہوتی تو ہم اس کے پلڑے اپنے وجودوں سے بھر دیتے
مگر کیا کریں کہ ہم خود اپنی نظروں میں بہت بے وزن تھے
ہتھیلیوں میں سوراخ ہوں تو آنکھیں کہاں سنبھالیں
ہم نے صرف چہرے نبھائے رشتے نہیں
پیاسی زمینوں میں آنسو کاشت کر کے بھی
بوند بھر ہریالی نہیں کھلی
ہم ساری عمر اپنے خوابوں کے جولاہے بنے رہے
اور اپنے بچوں کے لیے ایک سایہ دار پرچم نہ بن سکے
ہماری مٹی محض مٹی رہی
کبھی وطن نہ بن پائی!!!
(834) ووٹ وصول ہوئے
Hum Be-watan KHwabon Ke Jolahe Hain In Urdu By Famous Poet Anjum Saleemi. Hum Be-watan KHwabon Ke Jolahe Hain is written by Anjum Saleemi. Enjoy reading Hum Be-watan KHwabon Ke Jolahe Hain Poem on Inspiration for Students, Youth, Girls and Boys by Anjum Saleemi. Free Dowlonad Hum Be-watan KHwabon Ke Jolahe Hain by Anjum Saleemi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends