لب پہ کانٹوں کے ہے فریاد و بکا میرے بعد
لب پہ کانٹوں کے ہے فریاد و بکا میرے بعد
کوئی آیا ہی نہیں آبلہ پا میرے بعد
میرے دم تک ہی رہا ربط نسیم و رخ گل
نکہت آمیز نہیں موج صبا میرے بعد
اب نہ وہ رنگ جبیں ہے نہ بہار عارض
لالہ رویوں کا عجب حال ہوا میرے بعد
چند سوکھے ہوئے پتے ہیں چمن میں رقصاں
ہائے بیگانگی آب و ہوا میرے بعد
منہ دھلاتی نہیں غنچوں کا عروس شبنم
گرد آلود ہے کلیوں کی قبا میرے بعد
آدمیت شکنی بھی تو نہیں کم انورؔ
ڈر ہے کچھ اور نہ ہو اس کے سوا میرے بعد
انور صابری 
(763) ووٹ وصول ہوئے
Lab Pe KanTon Ke Hai Fariyaad-o-buka Mere Baad In Urdu By Famous Poet Anwar Sabri. Lab Pe KanTon Ke Hai Fariyaad-o-buka Mere Baad is written by Anwar Sabri. Enjoy reading Lab Pe KanTon Ke Hai Fariyaad-o-buka Mere Baad Poem on Inspiration for Students, Youth, Girls and Boys by Anwar Sabri. Free Dowlonad Lab Pe KanTon Ke Hai Fariyaad-o-buka Mere Baad by Anwar Sabri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends