دیر تک چند مختصر باتیں
دیر تک چند مختصر باتیں
اس سے کیں میں نے آنکھ بھر باتیں
تو مرے پاس جب نہیں ہوتا
تجھ سے کرتا ہوں کس قدر باتیں
کیسی بیچارگی سے کرتے ہیں
بے اثر لوگ با اثر باتیں
دیکھ بچوں سے گفتگو کر کے
کیسی ہوتیں ہیں بے ضرر باتیں
سن کبھی بے خودی میں کرتے ہیں
بے خبر لوگ با خبر باتیں
اس کی عادت ہے بات کرنے کی
وہ کرے گا ادھر ادھر باتیں
انتہائی حسین لگتی ہے
جب وہ کرتی ہے روٹھ کر باتیں
آ مجھے سن کہ ہو تجھے معلوم
کیسی ہوتی ہیں خوب تر باتیں
سہل کٹ جائے یہ طویل سفر
اور کر میرے ہم سفر باتیں
کوئی سنتا نہ ہو کہیں عاصمؔ
یوں نہ کر اس سے فون پر باتیں
(1367) ووٹ وصول ہوئے
Der Tak Chand MuKHtasar Baaten In Urdu By Famous Poet Asim Wasti. Der Tak Chand MuKHtasar Baaten is written by Asim Wasti. Enjoy reading Der Tak Chand MuKHtasar Baaten Poem on Inspiration for Students, Youth, Girls and Boys by Asim Wasti. Free Dowlonad Der Tak Chand MuKHtasar Baaten by Asim Wasti in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends