کون واں جبہ و دستار میں آ سکتا ہے

کون واں جبہ و دستار میں آ سکتا ہے

گھر کا گھر ہی جہاں بازار میں آ سکتا ہے

کس لیے خود کو سمجھتا ہے وہ پتھر کی لکیر

اس کا انکار بھی اقرار میں آ سکتا ہے

مجھ کو معلوم ہے دریاؤں کا کف ہے تجھ میں

تو مرے موجۂ پندار میں آ سکتا ہے

اے ہوا کی طرح اٹھکھیلیاں کرنے والے

بل کبھی وقت کی رفتار میں آ سکتا ہے

سر پہ سورج ہے تو پھر چھاؤں سے محظوظ نہ ہو

دھوپ کا رنگ بھی دیوار میں آ سکتا ہے

یہ جو میں اپنے تئیں شاعری کرتا ہوں عظیمؔ

کیا تخیل مرا اظہار میں آ سکتا ہے