دلوں کی عقدہ کشائی کا وقت ہے کہ نہیں
دلوں کی عقدہ کشائی کا وقت ہے کہ نہیں
یہ آدمی کی خدائی کا وقت ہے کہ نہیں
کہو ستارہ شناسو فلک کا حال کہو
رخوں سے پردہ کشائی کا وقت ہے کہ نہیں
ہوا کی نرم روی سے جواں ہوا ہے کوئی
فریب تنگ قبائی کا وقت ہے کہ نہیں
خلل پذیر ہوا ربط مہر و ماہ میں وقت
بتا یہ تجھ سے جدائی کا وقت ہے کہ نہیں
الگ سیاست درباں سے دل میں ہے اک بات
یہ وقت میری رسائی کا وقت ہے کہ نہیں
دلوں کو مرکز اسرار کر گئی جو نگہ
اسی نگہ کی گدائی کا وقت ہے کہ نہیں
(628) ووٹ وصول ہوئے
Dilon Ki Uqda-kushai Ka Waqt Hai Ki Nahin In Urdu By Famous Poet Aziz Hamid Madni. Dilon Ki Uqda-kushai Ka Waqt Hai Ki Nahin is written by Aziz Hamid Madni. Enjoy reading Dilon Ki Uqda-kushai Ka Waqt Hai Ki Nahin Poem on Inspiration for Students, Youth, Girls and Boys by Aziz Hamid Madni. Free Dowlonad Dilon Ki Uqda-kushai Ka Waqt Hai Ki Nahin by Aziz Hamid Madni in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends