Rahta Hai Zulf-e-yar Mere Man Se Man Laga

rahta hai zulf-e-yar mere man se man laga

ai nag tere hath ye kya KHub man laga

dekha hai jin ne ru-e-dil-afroz ko tere

be-shak nazar mein bagh-e-iram us ki ban laga

sarsabz nit rakhenge unhen mere ashk o aah

ai nau-bahaar-e-husn jo chahe chaman laga

sina sipar kar aaunga kuche mein main tere

garche raqib baiThe hain wan tan se tan laga

kya faeda hai qissa-e-rizwan se tujhe

koi shama-ru pari sate tu bhi lagan laga

'agah' KHar KHar judai se hai hazin

yak-bar tu gale se use gul-badan laga