نیند کیوں نہیں آتی
رات خامشی لے کر
جھولتی ہے پیڑوں پر
دشت دشت ویراں ہیں
روشنی کے ہنگامے
تیرگی برستی ہے
اونچے نیچے ٹیلوں پر
نیند کیوں نہیں آتی
میں اداس رہتا ہوں
دن کے گرم میلے میں
میں ملول رہتا ہوں
شام کے جھمیلے میں
میں شراب پی کر بھی
ہوشیار رہتا ہوں
جو بھی دل پہ لگ جائے
میں وہ زخم سہتا ہوں
سوچتا ہوں دنیا میں
میں بھی کتنا تنہا ہوں
چاندنی کے پہلو میں
دل نواز کرنوں کو
اوڑھ کر میں لیٹا ہوں
نیند کیوں نہیں آتی
نیند ایک خوشبو ہے
رات کی فضاؤں میں
کو بہ کو بھٹکتی ہے
میرے گھر نہیں آتی
مجھ سے دور رہتی ہے
پھر میں خود سے کہتا ہوں
نیند کیوں نہیں آتی
(964) ووٹ وصول ہوئے
Nind Kyun Nahin Aati In Urdu By Famous Poet Farooq Nazki. Nind Kyun Nahin Aati is written by Farooq Nazki. Enjoy reading Nind Kyun Nahin Aati Poem on Inspiration for Students, Youth, Girls and Boys by Farooq Nazki. Free Dowlonad Nind Kyun Nahin Aati by Farooq Nazki in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends