Dil Ke Har Juzw Mein Judai Hai
dil ke har juzw mein judai hai
kya bala wasl ki samai hai
na-rasai sar-e-rasai hai
zoaf ki taqat aazmai hai
jam-o-mina pe nur barse hai
kya ghaTa mai-kade pe chhai hai
yun to wo aalam-ashna hai magar
ek mujhi se zara laDai hai
tu mila ghair se ki KHak mein hum
aaqibat har tarah safai hai
tum juda ghair se hue the kab
wajibi tan-e-bewafai hai
ai 'qalaq' hum se to mila kar yar
KHalis ulfat mein kya burai hai
Ghulam Maula Qalaq 
(691) Peoples Rate This