تیرے وعدے کا اختتام نہیں
تیرے وعدے کا اختتام نہیں
کہ قیامت پہ بھی قیام نہیں
بے وفائی تمہاری عام ہوئی
اب کسی کو کسی سے کام نہیں
کس لیے دعویٔ زلیخائی
غیر یوسف نہیں غلام نہیں
وصل کے بعد ہجر کا کیا کام
دور گردوں کا انتظام نہیں
کون سنتا ہے نالہ و فریاد
چرخ کو خوف انتقام نہیں
خال لب دیکھ کر ہوا معلوم
کوئی دانہ بغیر دام نہیں
آپ میں کیوں کہ آؤں جب کہ تو آئے
خلوت خاص بزم عام نہیں
نالہ کرتا ہوں لوگ سنتے ہیں
آپ سے میرا کچھ کلام نہیں
جس جگہ ہے وہاں بھی ہے بہتان
کہ کسی جا ترا مقام نہیں
روز فرقت کو روز حشر نہ جان
شام پر بھی تو اختتام نہیں
ہے خدا ہی قلقؔ جو آج بجھے
صبح ہوتے نہیں کہ شام نہیں
(811) ووٹ وصول ہوئے
Tere Wade Ka IKHtitam Nahin In Urdu By Famous Poet Ghulam Maula Qalaq. Tere Wade Ka IKHtitam Nahin is written by Ghulam Maula Qalaq. Enjoy reading Tere Wade Ka IKHtitam Nahin Poem on Inspiration for Students, Youth, Girls and Boys by Ghulam Maula Qalaq. Free Dowlonad Tere Wade Ka IKHtitam Nahin by Ghulam Maula Qalaq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends