Nahin Nibahi KHushi Se Ghami Ko ChhoD Diya
nahin nibahi KHushi se ghami ko chhoD diya
tumhaare baad bhi main ne kai ko chhoD diya
hon jo bhi jaan ki jaan wo guman hote hain
sabhi the jaan ki jaan aur sabhi ko chhoD diya
shuur ek shuur-e-fareb hai so to hai
gharaz ki aagahi na-agahi ko chhoD diya
KHayal-o-KHwab ki andeshgi ke sukh jhele
KHayal-o-KHwab ki andeshgi ko chhoD diya
Jaun Eliya 
(1683) Peoples Rate This