KHat Ki RuKHsar Par Syahi Hai
KHat ki ruKHsar par syahi hai
chashm-e-KHwabida KHush-nigahi hai
ishq ka hai ghubar-e-nala uruj
aasman auj-e-taKHt-e-shahi hai
kyun na ho andalib garm-e-fughan
bu-e-gul har taraf ko rahi hai
ashk-e-hasrat hai aaj tufan-KHez
kashti-e-chashm ki tabahi hai
hun giraftar aap apna main
halqa-e-fals dam-e-mahi hai
chashm-e-jaanan ka roab abru hai
tegh se saulat-e-sipahi hai
marg mera hai zabt-e-girya 'waqar'
aab aab-e-hayat-e-mahi hai
Kishan Kumaar Waqaar 
(406) Peoples Rate This