Dilon Par Ye Naqsh Usne Apna BiThaya

dilon par ye naqsh us ne apna biThaya

ki jo choT par said aaya biThaya

misal-e-kabutar mere dil ko us ne

bhagaya bulaya uThaya biThaya

tere aatishin husn ne shama ko shab

khapaya jalaya galaya biThaya

uThaya usi gham ne duniya se pyare

kabhi tum ne hum ko na tanha biThaya

samajh teri ulTi hai ai jaan-e-alam

ki apna uThaya paraya biThaya

na bole lahad mein bhi hum Dar se tere

farishton ne kitna jagaya biThaya

gaya koThe par wo ye ki mah ne azmat

ki ujla bichhauna bichhaya biThaya

ye wo qais hai KHas shagird mera

pakaD kan jis ko uThaya biThaya

'waqar' is ghazal ki zamin had buri thi

bahut zor de kar biThaya biThaya