Jab Wo Hans Hans Ke Baat Karte Hain
jab wo hans hans ke baat karte hain
dil ko kya kya guman guzarte hain
ye mohabbat ki rahguzar hai yahan
log bach bach ke panw dharte hain
husn hota hai ishq ki taswir
aise lamhe bhi kuchh guzarte hain
araq-alud chehra-e-rangin
jaise shabnam se gul nikharte hain
baad-e-hasti musafiran-e-adam
kaun jaane kahan Thaharte hain
Mahesh Chandra Naqsh 
(401) Peoples Rate This