Is Waqt Bare Kuchh To Karam-baKHshi Kijiye
is waqt bare kuchh to karam-baKHshi kijiye
guzre hum aur baat se gali hi dijiye
sabr aur din-o-dil to tum aage hi le chuke
baqi hai jaan hamari so ab ye bhi lijiye
dewe wo jam ghair kun yun mere samne
ye dekh kyunki KHun-e-dil apna na pijie
naseh ye kya hisab ki main jeb ko silaun
behtar hai aap munh ke tain apne si jiye
patthar bhi bilke dekh 'jahandar' ka ye haal
pyare kabhu to aap bhi is par pasijiye
Meerza Jawan Bakht Jahandar 
(403) Peoples Rate This