Dam-e-ruKHsat Jo Un Se Kah Ke Main UTTha KHuda-hafiz
dam-e-ruKHsat jo un se kah ke main uTTha KHuda-hafiz
lage jhunjhla ke wo kahne bahut achchha KHuda-hafiz
jo main jata hun uTh kar fi-amanillah kahta hun
tere munh se na o kafir kabhi nikla KHuda-hafiz
kaha hai kis ne tum se chumo-chaTo ja ke patthar ko
tumhaare zahido ab den o iman ka KHuda hafiz
hifazat mein wo dekhe ghair ki tujh ko qayamat hai
kabhi jo bad-gumani se na ho kahta KHuda-hafiz
suna hai aaj wo but KHub hi ban-Than ke aata hai
tere dil ka are o 'anjum'-e-shaida KHuda hafiz
Mirza Asman Jah Anjum 
(433) Peoples Rate This