نہیں ملتا دلا ہم کو نشاں تک
نہیں ملتا دلا ہم کو نشاں تک
مکاں ڈھونڈ آئے اس کا لا مکاں تک
بنا ہر موئے تن خار مغیلاں
ستایا جوش وحشت نے یہاں تک
ہماری جان کے پیچھے پڑا ہے
دل ناداں کو سمجھائیں کہاں تک
رواں شب کو ہوا کیا ناقۂ روح
نظر آئی نہ گرد کارواں تک
زمیں پہ زلزلہ آیا تو پہنچا
مرے نالوں کا غوغا آسماں تک
ملے ہے دل کو ذوق بوسۂ لب
مزا ہے ورنہ ہر شے کا زباں تک
جو رکھتے تھے دماغ اپنا فلک پر
زمیں پر اب نہیں ان کا نشاں تک
جلایا شمع سا اس شعلہ رو نے
گئے گھل سوز غم سے استخواں تک
جہاں کی سیر کی سیاحؔ ہم نے
نہ پہنچے پر سخن کے قدرداں تک
میاں داد خاں سیاح 
(614) ووٹ وصول ہوئے
Nahin Milta Dila Hum Ko Nishan Tak In Urdu By Famous Poet Miyan Dad Khan Sayyah. Nahin Milta Dila Hum Ko Nishan Tak is written by Miyan Dad Khan Sayyah. Enjoy reading Nahin Milta Dila Hum Ko Nishan Tak Poem on Inspiration for Students, Youth, Girls and Boys by Miyan Dad Khan Sayyah. Free Dowlonad Nahin Milta Dila Hum Ko Nishan Tak by Miyan Dad Khan Sayyah in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends