Tu Agar Ba-usul Ho Jae
tu agar ba-usul ho jae
rahmaton ka nuzul ho jae
pyar itna karo ki patthar bhi
aise pighle ki phul ho jae
un se milne mein Dar ye lagta hai
koi hum se na bhul ho jae
aaina aaina hi rahta hai
chahe jitni bhi dhul ho jae
gham na ho zindagi agar tujh mein
tera hona fuzul ho jae
dil se tauba kare agar 'sahil'
teri tauba qubul ho jae
Mohammad Ali Sahil 
(669) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544