تو نہیں تو زندگی آزار ہے تیرے بغیر
تو نہیں تو زندگی آزار ہے تیرے بغیر
زندگی زندہ دلی پر بار ہے تیرے بغیر
زندگانی سے کسے انکار ہے تیرے بغیر
زندگانی ہے مگر بے کار ہے تیرے بغیر
آ کہ پیہم اب یہ حال زار ہے تیرے بغیر
ہر نفس اک تیز رو تلوار ہے تیرے بغیر
ننگ ہو کیوں کر نہ میرے واسطے دنیا مری
زندگی میری مجھے خود عار ہے تیرے بغیر
آ تجھے میری قسم مشکل مری آسان کر
زیست کا ہر مرحلہ دشوار ہے تیرے بغیر
پوچھتے ہیں لوگ مجھ سے میری خاموشی کا حال
بے زبانی میں مری گفتار ہے تیرے بغیر
لمحہ لمحہ ہے کسی کا بے ترے سوہان روح
لمحے لمحے سے کوئی بیزار ہے تیرے بغیر
واسطہ تجھ کو مسیحائی کا تیری جلد آ
نزع کے عالم میں اک بیمار ہے تیرے بغیر
فصل گل سب کی نظر میں ہے مگر میرے لئے
اک خزاں میں عالم گلزار ہے تیرے بغیر
یہ بجا ہر گل ہے وجہ زینت گلشن مگر
میری دنیائے نظر میں خار ہے تیرے بغیر
نور سے معمور ہے ہر گل بہ صحن بوستاں
قطرۂ شبنم نظر میں تار ہے تیرے بغیر
یہ بہاراں یہ شباب سبزۂ نورس نہ پوچھ
باغ کیا ہے معدن زنگار ہے تیرے بغیر
اس فضائے ابر میں غسل ہوائی کی قسم
موجۂ باد صبا آزار ہے تیرے بغیر
آ کہ یہ کالی گھٹا اب تیرے گیسو کی قسم
اک بلا سی بر سر کہسار ہے تیرے بغیر
(474) ووٹ وصول ہوئے
Tu Nahin To Zindagi Aazar Hai Tere Baghair In Urdu By Famous Poet Mohammad Siddiq Saib Tonki. Tu Nahin To Zindagi Aazar Hai Tere Baghair is written by Mohammad Siddiq Saib Tonki. Enjoy reading Tu Nahin To Zindagi Aazar Hai Tere Baghair Poem on Inspiration for Students, Youth, Girls and Boys by Mohammad Siddiq Saib Tonki. Free Dowlonad Tu Nahin To Zindagi Aazar Hai Tere Baghair by Mohammad Siddiq Saib Tonki in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends