دوریوں میں قرابتوں کا مزا
دوریوں میں قرابتوں کا مزا
لیجے لیجے محبتوں کا مزا
کچھ مزا بارشوں کی شورش کا
کچھ ٹپکتی ہوئی چھتوں کا مزا
ہو گئی نا تباہ خود داری
لے لیا نا رعایتوں کا مزا
اک مہاجر ہی جان سکتا ہے
کیسا ہوتا ہے ہجرتوں کا مزا
دھوپ جائے قرار سایوں کی
ہر بگولہ مسافتوں کا مزا
بھوک اور پیاس ذات کی لذت
فاقہ مستی قناعتوں کا مزا
جیسے سجدے میں قتل ہو کوئی
ایسا ہوتا ہے چاہتوں کا مزا
موت ہے زندگی کی کمزوری
جاں کنی اپنی قوتوں کا مزا
عشق ہوتا ہے تب ہی جب محسنؔ
منتقل ہو طبیعتوں کا مزا
محسن اسرار 
(472) ووٹ وصول ہوئے
Duriyon Mein Qarabaton Ka Maza In Urdu By Famous Poet Mohsin Asrar. Duriyon Mein Qarabaton Ka Maza is written by Mohsin Asrar. Enjoy reading Duriyon Mein Qarabaton Ka Maza Poem on Inspiration for Students, Youth, Girls and Boys by Mohsin Asrar. Free Dowlonad Duriyon Mein Qarabaton Ka Maza by Mohsin Asrar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends