کرتے ہیں اگر مجھ سے وہ پیار تو آ جائیں

کرتے ہیں اگر مجھ سے وہ پیار تو آ جائیں

پھر آ کے چلے جائیں اک بار تو آ جائیں

ہے وقت یہ رخصت کا بخشش کا تلافی کا

سمجھیں نہ جو گر اس کو بے کار تو آ جائیں

اک دید کی خواہش پہ اٹکا ہے یہ دم میرا

کم کرنا ہو میرا کچھ آزار تو آ جائیں

جاں دینے کو راضی ہوں اے پیک اجل لیکن

کچھ دیر تو رک جاؤ سرکار تو آ جائیں

جائیں نہ خلشؔ لے کر ہم سوئے عدم حسرت

مقصود ہو ان کو بھی دیدار تو آ جائیں