سب حسینوں میں وہ پیارا خوب ہے
سب حسینوں میں وہ پیارا خوب ہے
ایک چہرہ جسم سارا خوب ہے
ایسے مکھڑے کی بلائیں لیجیے
بھولا بھولا پیارا پیارا خوب ہے
میری محفل میں کبھی آتے نہیں
غیر کے گھر میں گزارا خوب ہے
دونوں آنکھیں قاتل عشاق ہیں
لشکر مژگاں صف آرا خوب ہے
چرخ پر تم کو چڑھا کر دیکھیے
کون سا تاروں میں تارا خوب ہے
تم جو آئے جسم میں جان آ گئی
جان میں پیرا تمہارا خوب ہے
پاس اپنے ہو اگر تصویر یار
زندگانی کا سہارا خوب ہے
کیوں ملیں ہم آپ سے چوری چھپے
بات جو ہے آشکارا خوب ہے
تو کہا میں نے تو آزردہ ہوئے
غیر کی گالی گوارا خوب ہے
چاند سے بڑھتی ہے آنکھوں کی ضیا
خوب روؤں کا نظارا خوب ہے
دوستوں سے انحراف اچھا نہیں
دشمنوں سے بھی مدارا خوب ہے
مانگ بالوں میں ہی کیا ہے آب دار
ڈوب مرنے کو یہ دھارا خوب ہے
آبرو جاتی رہے گی آپ کی
بحرؔ اب اس سے کنارا خوب ہے
(929) ووٹ وصول ہوئے
Sab Hasinon Mein Wo Pyara KHub Hai In Urdu By Famous Poet Imdad Ali Bahr. Sab Hasinon Mein Wo Pyara KHub Hai is written by Imdad Ali Bahr. Enjoy reading Sab Hasinon Mein Wo Pyara KHub Hai Poem on Inspiration for Students, Youth, Girls and Boys by Imdad Ali Bahr. Free Dowlonad Sab Hasinon Mein Wo Pyara KHub Hai by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends