گل نہیں خار سمجھتے ہیں مجھے
گل نہیں خار سمجھتے ہیں مجھے
سب گراں بار سمجھتے ہیں مجھے
ہیں اندھیرے بھی گریزاں مجھ سے
چشم بیدار سمجھتے ہیں مجھے
میری پیشانی پہ محراب نہیں
وہ گنہ گار سمجھتے ہیں مجھے
دولت درد میرا سرمایہ
کیوں وہ نادار سمجھتے ہیں مجھے
دور بیٹھے ہیں مری محفل سے
وجہ آزار سمجھتے ہیں مجھے
چارہ گر بھی ہیں گریزاں مجھ سے
تیرا بیمار سمجھتے ہیں مجھے
کیا کہوں ان سے مآل الفت
جو تری ہار سمجھتے ہیں مجھے
میری غربت نہیں کھلتی مجھ پر
لوگ زردار سمجھتے ہیں مجھے
میرا اثبات محبت ہے مری
اور وہ انکار سمجھتے ہیں مجھے
میں نہیں بزم سے جانے والی
اہل دربار سمجھتے ہیں مجھے
کب سمجھنا وہ مجھے چاہتے ہیں
کار دشوار سمجھتے ہیں مجھے
کیوں سحرؔ حال سناؤں ان کو
میرے غم خوار سمجھتے ہیں مجھے
(527) ووٹ وصول ہوئے
In Urdu By Famous Poet Shaista Sahar. is written by Shaista Sahar. Enjoy reading Poem on Inspiration for Students, Youth, Girls and Boys by Shaista Sahar. Free Dowlonad by Shaista Sahar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends