تم گئے ساتھ اجالوں کا بھی جھوٹا ٹھہرا
تم گئے ساتھ اجالوں کا بھی جھوٹا ٹھہرا
روز و شب اپنا مقدر ہی اندھیرا ٹھہرا
یاد کرتے نہیں اتنا تو دل خانہ خراب
بھولا بھٹکا کوئی دو روز اگر آ ٹھہرا
کوئی الزام نسیم سحری پر نہ گیا
پھول ہنسنے پہ خطا وار اکیلا ٹھہرا
پتیاں رہ گئیں بو لے اڑی آوارہ صبا
قافلہ موج بہاراں کا بس اتنا ٹھہرا
روز نظروں سے گزرتے ہیں ہزاروں چہرے
سامنے دل کے مگر ایک ہی چہرا ٹھہرا
وقت بھی سعیٔ مداوائے الم کر نہ سکا
جب سے تم بچھڑے ہو خود وقت ہے ٹھہرا ٹھہرا
دل ہے وہ موم ملا ہے جسے شمعوں کا گداز
اب کوئی دیکھے نہ دیکھے یوں ہی جلنا ٹھہرا
تم نے جو شمع جلائی تھی نہ بجھنے پائے
اب تو لے دے کے یہی کام ہمارا ٹھہرا
گنگنا لیں گے غزل آج وحیدؔ اختر کی
نام لینا ہی جو در پردہ تمہارا ٹھہرا
(559) ووٹ وصول ہوئے
In Urdu By Famous Poet Waheed Akhtar. is written by Waheed Akhtar. Enjoy reading Poem on Inspiration for Students, Youth, Girls and Boys by Waheed Akhtar. Free Dowlonad by Waheed Akhtar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends