چاند کی بے بسی کو سمجھوں گی
چاند کی بے بسی کو سمجھوں گی
روشنی کی کمی کو سمجھوں گی
ایک پتھر سے دوستی کر کے
آپ کی بے رخی کو سمجھوں گی
میں چراغوں کو طاق پر رکھ کر
حاصل زندگی کو سمجھوں گی
اس بدن کا طلسم ٹوٹے تو
پھول کی تازگی کو سمجھوں گی
لوگ کہتے ہیں جب مجھے بے حس
میں بھلا کیوں کسی کو سمجھوں گی
فون پر بات ہوگی فرصت سے
اور اک اجنبی کو سمجھوں گی
مجھ سے امید مت لگاؤ تم
میں نہیں جو سبھی کو سمجھوں گی
جا کے دریا کنارے بیٹھوں گی
شور میں خامشی کو سمجھوں گی
میں سہولت پسند ہوں زہراؔ
آپسی دشمنی کو سمجھوں گی
زہرا قرار 
(976) ووٹ وصول ہوئے
Chand Ki Bebasi Ko Samjhungi In Urdu By Famous Poet Zahraa Qarar. Chand Ki Bebasi Ko Samjhungi is written by Zahraa Qarar. Enjoy reading Chand Ki Bebasi Ko Samjhungi Poem on Inspiration for Students, Youth, Girls and Boys by Zahraa Qarar. Free Dowlonad Chand Ki Bebasi Ko Samjhungi by Zahraa Qarar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends