یہ عورتیں
سوچ لو سوچ لو جینے کا یہ انداز نہیں
اپنی بانہوں کا یہی رنگ نمایاں نہ کرو
حسن خود زینت محفل ہے چراغاں نہ کرو
نیم عریاں سا بدن اور ابھرتے سینے
تنگ اور ریشمی ملبوس دھڑکتے سینے
تار جب ٹوٹ گئے ساز کوئی ساز نہیں
تم تو عورت ہو مگر جنس گراں بن نہ سکیں
اور آنکھوں کی یہ گردش یہ چھلکتے ہوئے جام
اور کولھوں کی لچک، مست چکوروں کا خرام
شمع جو دیر سے جلتی ہے نہ بجھنے پائے
کارواں زیست کا اس طرح نہ لٹنے پائے
تم تو خود اپنی ہی منزل کا نشاں بن نہ سکیں
رات کچھ بھیگ چلی دور ستارے ٹوٹے
تم تو عورت ہی کے جذبات کو کھو دیتی ہو
تالیوں کی اسی ندی میں ڈبو دیتی ہو
مسکراہٹ سر بازار بکا کرتی ہے
زندگی یاس سے قدموں پہ جھکا کرتی ہے
اور سیلاب امڈتا ہے سہارے ٹوٹے
دور ہٹ جاؤ نگاہیں بھی سلگ اٹھی ہیں
ورزشوں کی یہ نمائش تو بہت دیکھ چکا
پنڈلیوں کی یہ نمائش تو بہت دیکھ چکا
جاؤ اب دوسرے حیوان یہاں آئیں گے
بھیس بدلے ہوئے انسان یہاں آئیں گے
دیکھتی کیا ہو یہ بانہیں بھی سلگ اٹھی ہیں
سوچ لو سوچ لو جینے کا یہ انداز نہیں
(685) ووٹ وصول ہوئے
Ye Aurten In Urdu By Famous Poet Akhtar Payami. Ye Aurten is written by Akhtar Payami. Enjoy reading Ye Aurten Poem on Inspiration for Students, Youth, Girls and Boys by Akhtar Payami. Free Dowlonad Ye Aurten by Akhtar Payami in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends