شکست جام
گر گیا یہ دودھ کا پیمانہ میرے ہاتھ سے
ہو گئی اک لغزش مستانہ میرے ہاتھ سے
یوں زمیں پر جا گرا ہاتھوں سے میرے چھوٹ کر
گر پڑے گردوں سے جیسے کوئی تارا ٹوٹ کر
غش اسے آیا کچھ ایسا کھا کے چکر گر پڑا
ہاتھ سے مے خوار کے کیوں آج ساغر گر پڑا
شاخ گل سے فرش پر بلبل تڑپ کر گر گئی
یہ گرا نیچے کہ مجھ سے چشم ساقی پھر گئی
جس طرح سینے کے اندر قلب مضطر بے قرار
ہو گیا ہاتھوں میں میرے یہ بھی آ کر بے قرار
میرے باعث اپنی قسمت کو یہ آخر رو گیا
آئی اک آواز جھن سی اور ٹھنڈا ہو گیا
اس کے گرنے سے یہاں اک چوٹ دل پر آ گئی
جو مجھے کچھ کہہ گئی بتلا گئی سکھلا گئی
یعنی ہم بھی دست قدرت میں مثال جام ہیں
اور گرفتار بلائے گردش ایام ہیں
جام وہ مشہور ہے جو زندگی کے نام سے
جو بھرا ہے شیر راحت سے مئے آلام سے
ایک دن اس ہاتھ سے بھی چھوٹ کر رہ جائے گا
اس کٹورے کی طرح جو ٹوٹ کر رہ جائے گا
(789) ووٹ وصول ہوئے
Shikast-e-jam In Urdu By Famous Poet Amjad Najmi. Shikast-e-jam is written by Amjad Najmi. Enjoy reading Shikast-e-jam Poem on Inspiration for Students, Youth, Girls and Boys by Amjad Najmi. Free Dowlonad Shikast-e-jam by Amjad Najmi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends