تبسم
چمک ہیرے سے بڑھ کر اے تبسم تجھ میں پنہاں ہے
انہیں ہونٹوں پہ ضو بکھرا تو جن ہونٹوں کو شایاں ہے
مثال برق تو گرتا ہے جان ناشکیبا پر
گری تھی جس طرح بجلی کلیم طور سینا پر
نہ ہوگا لعل کوئی تیری قیمت کا بدخشاں میں
تو ہی اک مصرع برجستہ ہے قدرت کے دیواں میں
جہاں کی دولتوں میں کوئی بھی دولت نہیں ایسی
فلک پر کب چمکتی ہے ستاروں کی جبیں ایسی
غم دنیا کا شاکی جب ہوا حق سے دل آدم
تجھے دے کر عطا فرما دیا ہر زخم کا مرہم
ہوا جاتا ہے پژمردہ دل آوارہ سینے میں
تو ٹپکا قطرہ آب بقا اس آبگینے میں
جھلک پل بھر کی ہے لیکن اثر ہے دائمی تیرا
سر گلزار دم بھرتی ہے گویا ہر کلی تیرا
لب جاں بخش پر کچھ کچھ نمایاں ہو کے رہ جا پھر
ادھوری رہ گئی ہے داستان عشق کہہ جا پھر
(877) ووٹ وصول ہوئے
Tabassum In Urdu By Famous Poet Amjad Najmi. Tabassum is written by Amjad Najmi. Enjoy reading Tabassum Poem on Inspiration for Students, Youth, Girls and Boys by Amjad Najmi. Free Dowlonad Tabassum by Amjad Najmi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends