زینے تو بس زینے ہیں
جس نے جنم کی گھٹی چکھی
اس کو زینے طے کرنا ہیں
اندر باہر
نیچے اوپر
آگے پیچھے
زینے ہر ہر اور
جتنا جانو
چڑھ آئے
اتنا سمجھو
اتر چکے ہو
اس نے کہا
زینے عجب فریب ہیں بابا
آج تلک یہ کھل نہیں پائے
زینے یہ بل کھاتے زینے
جنم جنم کے پھیر
ازل گھڑی سے
انت سمے تک
زینے اپرم پار
اس نے کہا
زینہ زینہ چڑھتے جاؤ
چڑھتے جاؤ
بام پہ جب پہنچو گے
تو پاتال کی اک شب رنگی ناگن
پھن پھیلائے پاؤ گے
جس نے تم کو ڈسنا ہے
زینہ زینہ اترتے جاؤ
اور اترتے جاؤ
جب آنگن میں قدم رکھوگے
بام پہ خود کو پاؤ گے
اس نے کہا
نفی اثبات کے
اس ملغوبے میں
کیسا چڑھنا
کیسا اترنا
گولے کی اس کھینچ میں بابا
بام کہاں
پاتال کہاں ہے
کس کو خبر ہے
زینے تو بس زینے ہیں
ہم کو انہیں طے کرنا ہے
(557) ووٹ وصول ہوئے
Zine To Bas Zine Hain In Urdu By Famous Poet Anwar Fitrat. Zine To Bas Zine Hain is written by Anwar Fitrat. Enjoy reading Zine To Bas Zine Hain Poem on Inspiration for Students, Youth, Girls and Boys by Anwar Fitrat. Free Dowlonad Zine To Bas Zine Hain by Anwar Fitrat in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends