چراغ اس نے بجھا بھی دیا جلا بھی دیا
چراغ اس نے بجھا بھی دیا جلا بھی دیا
یہ میری قبر پہ منظر نیا دکھا بھی دیا
یہ چھیڑ کیا ہے یہ کیا مجھ سے دل لگی ہے کوئی
جگایا نیند سے جاگا تو پھر سلا بھی دیا
ادھر تھا لطف و کرم ان کا اس طرف تھا عتاب
چراغ امید کا روشن کیا بجھا بھی دیا
یہ شوخیاں نئی دیکھیں تمہاری چتون میں
کہ پردہ رخ پہ لیا اور پھر اٹھا بھی دیا
ادھر لگاؤ ادھر برہمی کے ہیں آثار
مجھے پھنسا بھی لیا اور پھر چھڑا بھی دیا
نکل گئے مری آنکھوں سے سیکڑوں آنسو
خزانہ جمع کیا اور پھر لٹا بھی دیا
نیا ہے حسن کے بازار کا اتار چڑھاؤ
چڑھایا سر پہ نگاہوں سے پھر گرا بھی دیا
ذرا تو پاس طلب عاشقوں کا تم کرتے
بلایا پاس بھی پھر پاس سے ہٹا بھی دیا
یہ ان کا کھیل تو دیکھو کہ ایک کاغذ پر
لکھا بھی نام مرا اور پھر مٹا بھی دیا
اگرچہ راہ محبت ہے تنگ و تار مگر
اسی کے ساتھ ہمیں عقل کا دیا بھی دیا
بشیرؔ سینگ کٹا کر ملے ہیں بچھڑوں میں
بنے جوان بڑھاپے کا غم بھلا بھی دیا
(673) ووٹ وصول ہوئے
Charagh Usne Bujha Bhi Diya Jala Bhi Diya In Urdu By Famous Poet Bashiruddin Ahmad Dehlvi. Charagh Usne Bujha Bhi Diya Jala Bhi Diya is written by Bashiruddin Ahmad Dehlvi. Enjoy reading Charagh Usne Bujha Bhi Diya Jala Bhi Diya Poem on Inspiration for Students, Youth, Girls and Boys by Bashiruddin Ahmad Dehlvi. Free Dowlonad Charagh Usne Bujha Bhi Diya Jala Bhi Diya by Bashiruddin Ahmad Dehlvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends