Na Sahi Aap Hamare Jo Muqaddar Mein Nahin
na sahi aap hamare jo muqaddar mein nahin
ab wo pahli si taDap bhi dil-e-muztar mein nahin
aap ki baat ki waqat nahin aslan dil mein
aap dam bhar mein to han karte hain dam bhar mein nahin
mujh ko bawar to jab aae ki kuchh ummid bhi ho
likh diya KHat mein wo us ne jo muqaddar mein nahin
main ne puchha tha kaho aur sataoge mujhe
munh se nikli hai sitam-gar ke ghaDi bhar mein nahin
aap kyun zikr se 'beKHud' ke KHajil hote hain
ye to wo nam hai jo aap ke daftar mein nahin
Bekhud Dehlvi 
(916) Peoples Rate This