رہ گئی لٹ کر بہار زندگی
رہ گئی لٹ کر بہار زندگی
زندگی ہے سوگوار زندگی
میری نظروں میں حسیں دھوکا ہے اک
جس کو کہتے ہیں بہار زندگی
کلفتیں کچھ تلخیاں کچھ حادثے
اب یہی ہے یادگار زندگی
مٹ رہا ہو جو کسی کے عشق میں
پھر کہاں اس کو قرار زندگی
تری الفت تیرا غم تیرا خیال
کچھ یہی ہے کاروبار زندگی
اپنا دل ہی جب پرایا ہو گیا
کون ہو اب راز دار زندگی
تیرے دم سے تھی بہاروں میں بہار
اب کہاں ہے وہ بہار زندگی
سوکھے پتوں سے یہ کہتی ہے خزاں
یوں اترتا ہے خمار زندگی
اپنے دامن سے ہوا دیتے رہو
بجھ نہ جائے یہ شرار زندگی
اے شفقؔ کس نے بگاڑا ہے اسے
کون ہے پروردگار زندگی
(907) ووٹ وصول ہوئے
Rah Gai LuT Kar Bahaar-e-zindagi In Urdu By Famous Poet Gopal Krishna Shafaq. Rah Gai LuT Kar Bahaar-e-zindagi is written by Gopal Krishna Shafaq. Enjoy reading Rah Gai LuT Kar Bahaar-e-zindagi Poem on Inspiration for Students, Youth, Girls and Boys by Gopal Krishna Shafaq. Free Dowlonad Rah Gai LuT Kar Bahaar-e-zindagi by Gopal Krishna Shafaq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends